الأربعاء، 17 يونيو، 2015

الحل البدليل لحرق باور البولت او البيكو او اي جهاز يوبيكويتي (15 فولت او 24 فولت)

بسم الله الرحمن الرحيم
السلام عليكم ورحمة الله وبركاته
حرق الباور الخاص بالبيكو او البولت او النانو
مشكله كبيره جدا بتقابل كتير من اصحاب الشبكات
بسبب الظروف الجويه المتغيره
او بسبب مشكله في التيار الكهربائي
او لأي سبب من الاسباب التي قدرها الله
ودي بتبقي مشكله كبيره بالنسبه لصاحب الشبكه بالاضافه الي الاعطال المعتاد عليها
وكمان مشكله بالنسبه لسعر الباور الخاص بهذه الاجهزه والمكان الموجود فيه 
ربما تسافر من بلد لاخري لشراءهذه القطعه فقط
 اوالانتظار حتي يأتي لك عن طريق شركات الشحن وتعطيل الشبكه ورغي المشتركين 
المهم دي كانت مشكله وقعت فيها في يوم من الايام
وعلشان شوفت فعلا انها مشكله كبيره
مع ان حلها اسهل مما يكون قولت لازم اعرفكم الحل ده وكمان توفر فلوسك وسفرك
بدل ماتدفع 200 جنيه سعر القطعه ومصاريفها لأ انت هتدفع 15 جنيه فقط 
وممكن كمان يكون الادابتور موجود عندك 
بما انك صاحب شبكه وخصوصا الشبكات الوايرلس يبقي اكيد اي مشترك عندك بيشتري اكسس بيونت
مش ده الموضوع المهم بقي القطعه اللي بتيجي مع الاكسس اللي هيا الكونفرت
dc poe lan 
وده شكلها

اللي كتير من الناس عايز يعرف ايه مهمتها (مهمة القطعه دي انك ممكن تركبها مع الادبتور في اي مكان قريب ليك وتاخد كابل منها للكمبيوتر الخاص بك من فتحة الlan والكابل التاني بتغذي بيه الاكسس خدمة انترنت وكهربا سواء كان في وضع اكسس او كلاينت ودي بتبقي الفتحه المكتوب عليها poe  )
دي مهمة القطعه الاساسيه ودي طريقة التوصيل

الاهم بقي انك ممكن تسخدمها مكان القطعه اللي بتيجي مع اجهزة ubnt
 زي البيكو والبولت والنانو وغيره اللي هيا دي

لو القطعه دي 15 فولت يبقي هتشتري ادابتور 15 فولت ولو بيشتغل علي 24 فولت يبقي هتشتري ادابتور 24 فولت
وكمان ممكن تستخدم اي شاحن لاب توب مكان الادابتور بس المهم لازم تاخد بالك من الفولت والامبير اللي علي الشاحن
اولا لو البيكو او البولت بيشتغل علي باور 15 فولت يبقي تشتري ادابتور 15V/0.8A 
ولو بيشتغل علي 24 يبقي تشتري ادابتور 24V/1A 
ونفس طريقة التوصيل السابقه الخاصه بالاكسس بيونت
اتمني تكون الفكره وصلت 
 وللعلم لاتوجد هناك ادني مشكله في ذلك
لاتنسونا من صالح دعائكم
والانضمام لموقعنا

شارك هذه الصفحة وتابعنا على صفحاتنا الرسمية
شارك الموضوع →
تابعنا →
إنشر الموضوع →

8 التعليقات :

  1. الله ينور يا فنان
    هيثم جمال

    ردحذف
  2. والله والله فنان وبرنس وانت راجل محترم بحبك في الله ربنا يعطيك الصحه والعافية يابرنس

    ردحذف
    الردود
    1. الله يكرمك اخي ودام الله هذه الثقه والمحبه بين الجميع

      حذف
  3. والله نص الاجهزه ال عندي مركب لها حق التيبي لينك ومعاي لها سنه

    ردحذف
  4. جهاز النانو بيم وصلوا ميه وبيسخن ولا يقرأ ﻻن مفيش حل

    ردحذف
  5. انت راجل محترم بحبك في الله ربنا يعطيك الصحه والعافية ياأبو مازن

    ردحذف

افلام اون لاين